Thmey Thmey 25
ត្រយង​ចង្កំ​ក​-​ស ជា​ប្រភេទ​បក្សី​ខ្សត់​នៅ​ប្រទេស​ផ្សេង តែមាន​វត្តមាន​ច្រើន​នៅ​កម្ពុជា​
08/08/2020 4:00 pm ភ្នំពេញ ភ្នំពេញ​៖ សត្វ​ត្រយង​ចង្កំ​ក​-​ស ជា​ប្រភេទ​សត្វ​បក្សី​ដែល​រស់នៅក្នុង​តំបន់​ព្រៃភ្នំ ហើយ​ជា​បក្សី​កម្រ​មួយ​នៅក្នុង​ប្រទេស​កម្ពុជា​។ នេះ​បើតាម​ទំព័រ​ហ្វេ​ស​ប៊ុ​ក​ក្រសួងបរិស្ថាន​។

​សត្វ​នេះ​មាន​រូបរាង និង​លក្ខណៈ​ជីវសាស្ត្រ ដូចគ្នា​ទៅនឹង​ប្រភេទ​សត្វ​ត្រ​យ៉ង​យក្ស ដោយ​គ្រាន់​តែមាន​រូបរាង​តូច​ជាង​បន្តិច​។ វា​មាន​សម្បុរ​ក្រ​ម៉ៅ​ជាង​សត្វ​ត្រ​យ៉ង​យក្ស ហើយ​មាន​លក្ខណៈ​ភ្លឺ​ជាង​បន្តិច នៅលើ​ស្លាប​របស់​វា​មាន​ពណ៌​ខៀវ​ផ្លេក​តិចៗ ដូច​ស្លាប​សត្វ​កំភេម និង​មាន​ពណ៌​ស​មួយ​ដំ​នៅលើ​គុ​ម្ភ​ស្លាប​។​

​ចំណែកឯ​លក្ខណៈពិសេស​មួយទៀត​របស់​សត្វ​នេះ​គឺមាន​ពណ៌​ស​មួយ​កង់ នៅ​ព័ទ្ធជុំវិញ​ក ត្រង់​ផ្នែក​ខាងក្រោម​នៃ​កញ្ចឹងក​បន្តិច ដែលមាន​សណ្ឋាន ឬ មាន​លក្ខណៈ​ដូច​ចង្កំ ដូច្នេះហើយ​បានជា​គេ​និយម​ហៅ​សត្វ​នេះ​ថា​«​ត្រយង​ចង្កំ​ក​-​ស​»​។​
​សត្វ​ចង្កំ​ក​-​ស​នេះ និយម​រស់នៅ​ក្បែ ឬ ជាមួយ​សត្វ​ត្រយង​យក្ស​ដែរ ដោយ​ពួកវា​មាន​ទីជម្រក​នៅតាម​តំបន់​ខ្ពង់រាប ព្រៃភ្នំ ជា​ព្រៃរបោះ ពាក់កណ្ដាល​ព្រៃរបោះ​និង​ព្រៃ​ស្មោង ដែល​សម្បូរ​ទៅដោយ​ប្រភពទឹក ដូចជា​ថ្លុក​ត្រពាំង បឹង​អូរ ព្រែក ស្ទឹង និង​ទន្លេ​ជាដើម​។

​សូមបញ្ជាក់ថា សត្វ​នេះ​ប្រមាណ​៩០​ភាគរយ គឺ​កំពុងមាន​វត្ត​នៅក្នុង​ប្រទេស​កម្ពុជា ប៉ុ​ន្កែ​នៅ​ក្នង​រដ្ឋ​ខ្លះ​នៃ​ប្រទេស​ឥណ្ឌា ឥ​ណ្ដូ​នេ​ស៊ី និង​ប្រទេស​មី​យ៉ាន់​ម៉ា​មិនសូវ​សម្បូរ​សត្វ​នេះ​ដូច​ប្រ​ទស​កម្ពុជា​នោះឡើយ​៕

ដោយ៖ ង៉ាយ ណៃ © រក្សាសិទ្ធិដោយ thmeythmey25.com